Gosens arrin për teste mjekësore te Interi

11:35 | 27 Janar 2022
Lorik Gerbeshi

Robin Gosens është në prag të bashkimit me Interin dhe sapo ka filluar testet mjekësore me kampionët e Serie A.

Mbrojtësi i Atalantës do të transferohet në San Siro në një marrëveshje fillestare huazimi me një detyrim blerje.

Sipas Sky Sport Italia, gjigantët e Serie A do të paguajnë 25 milionë euro plus tre milionë euro tjera bonus në lidhje me performancën.

Gosens, 27 vjeç, do të nënshkruajë një kontratë katërvjeçare e gjysmë me klubin e tij të ri.

Reprezentuesi gjerman është jashtë fushës që nga shtatori për shkak të një dëmtimi në kofshë, por tashmë ka filluar stërvitjet individuale.

Ai mbërriti në klinikën CONI në Milano në orën 9:00 me orën lokale dhe aktualisht po kalon ekzaminimet mjekësore me Interin përpara se të nënshkruajë kontratën.

Shpërndaje në rrjete sociale

Lajmet më të lexuara

Të ngjashme

Foto lajm